محمدموری گورداگونی دیواردل

ای دل به خدا سی توکواوه توندونی
تودارتونم نهلی بمیرم به جوونی
درمون مونی جون مونی تامین گورم
جون ایگروم ار ریته بوینم یه دمونی
____
بالا ایرون خنجربرگات واینم جون
جون ایگره دل خنده که گرلو بنشونی
پل واز ایکنی ناز ایکنی دل ایبری زم
تیغ چک تو چشمک تو ایبوره زونی
(دیواردلم قاب تیای نازته کم داشت
همه روزا جونی سی دلم غصه وغم داشت)
____
هردم یه غزل از غمت ایگوم و ایخونم
تاتیرغمت سینه مونه کرده نشونی
جز زی جیروم بیو وسرم نهلی بمیرم
زی درد گرونی که کشیدوم به گرونی
____
توکوگ رشی که مین تاراز خومونی
خوش خالو خطی که همه جا ورد زوونی
چندی بکنم سهدی و قاصد بفرستم
تاکی بنویسم و توهی نامه نخونی
(دیواردلم قاب تیای نازته کم داشت
همه روزا جونی سی دلم غصه وغم داشت)
____
یادت همه شومین خو ایا به سراغم
راحت تو ایخوسی و زه دردم خه ندونی
کم بیومین شوهام ومکن راز دلم فاش
دام ایگوهمس مین خو اینالستی فلونی