متن آهنگ میلاد زیلایی - الوس ملوس

متن ترانه
حالِ دِلِ مو نا خَشه
بی تو دِلُم چاله تَشه
عشقِ تو هر شَو دِلُمه
به سمتِ مالِت اِکَشه
هی کِلُمه خِیالِ تو
خیالِ چشمِ کالِ تو
به باد اگوم بیاره سیم
خوِر فقط ز مالِ تو
جورِ چویله بو پَلات
دلم اَویده مُفتلات
خوشگلی و الوس ملوس
به جون خوت به شیر دات
تو جور پازنِ دو سال
در ایخوری من تِله لال
مو چی صیادِ کُهنه کار
اِخوم تونه کنم شِکال
وا نکُنی حین به دلُم
وا که بیاهی به کِلُم
کِلوس زالِ مو تونی
مو تشنه بو تونُم گُلُم
تشنه تِیاتم جِیرُم
نیره خیالت زِ وِرُم
ایر که مال مو نبوی
ایرسه هُل مینِ سرُم.
ترانه سرا: مهردادناصری